Дар шаш моҳи соли ҷорӣ бойгонии Китобхонаи миллӣ бо 25 ҳазору 704 китоб ва дигар маводи чопӣ ғанӣ шуд
Дар шашмоҳаи аввали соли 2023 аз муассисаҳои чопии кишвар, донишгоҳҳо, вазоратҳо ва муаллифони китобҳо, шахсони алоҳида ба Китобхонаи миллӣ 25 ҳазору 704 китоб ва дигар маводи чопӣ ворид гардид. Аксари ин нусхаҳои ройгони ҳуҷҷатҳо мебошанд, ки аз ҷониби шахсони алоҳида супорида шудаанд.
Бино ба омори шуъбаи мукаммалгардонии фонд дар шашмоҳаи аввали соли 2023-ум 25704 нусха адабиёт ва дигар маводи чопӣ ба Китобхонаи миллӣ ворид шуда, мавриди коркард қарор гирифтааст. Кормандони шуъба аз ҷумла: ба захираи мубодилавии эҳтиётӣ 358 нусха китоб ба қайд гирифта шудааст; дар ин давра 3620 адад нусхаҳои ҳатмӣ, 19465 нусха адабиёти туҳфашуда аз шахсони алоҳида, 602 нусха китоб аз сарчашмаҳои гуногун, 213 нусха маҷаллаи обунавӣ, 35 нусха маҷаллаи обунавии хориҷӣ ва ҳамчунин 193 нусха китоб аз сафоратхона ва ташкилоти хориҷиро ба дафтари бақайдгирӣ сабт кардаанд.
Ба хотири такмил ва мукаммал гардонидани феҳристи анъанавии Китобхона ба китобҳо барга навишта, ба шуъбаҳои дахлдор ирсол гардидааст. Дар ин шаш моҳ ба 24804 нусха адабиёти коркардшуда рамзбандии вижавӣ (часпонидани штрих-код) сурат гирифтааст; 15173 нусха китоб дар асоси дархост ба шаҳру ноҳияҳои кишвар ирсол гардидааст.
Дар ин давра бойгонии диссертатсияҳои Китобхонаи миллӣ боз бо 352 нусха диссертатсияҳо ва 1450 нусха авторефератҳо пурра шуд.
Дар баробари ин 11 нусха нотаҳо, 41 нусха пйесаҳо, 18 адад дискҳо ва 6 нусха нашрияҳои давомноки илмӣ низ ба Китобхона ворид гардидааст.
Гулҷаҳон АСОЕВА,
сардори шуъбаи
мукаммалгардонии фонд