Тафреҳ. Шеъри хубе аз Алиризоъ Бадеъ дар бораи тирамоҳ

Пойиз мерасад, ки маро мубтало кунад,

Бо рангҳои тоза маро ошно кунад.

Ӯ мерасад, ки аз паси нуҳ моҳ интизор,

Рози дарахти боғчаро бармало кунад.

Ӯ қавл додааст, ки имсол аз сафар

Андуҳҳои тоза биёрад, Худо кунад.

Ӯ мерасад, ки боз ҳам ошиқ кунад маро,

Ӯ қавл додааст ба қавлаш вафо кунад.

Пойиз ошиқ аст, ва роҳе намондааст

Ҷуз инки рӯзу шаб бинишинад дуъо кунад.

Шояд асар кунад, ва худованди фаслҳо

Як фаслро ба хотири ӯ ҷо ба ҷо кунад.

Тақвим хост аз ту бигӯяд баҳорро

Тақдир хост роҳи шуморо ҷудо кунад.

Хиш-хиш… садои пойи хазон аст, як нафар

Дарро ба рӯйи ҳазрати пойиз во кунад.

Алиризо Бадеъ