“Ҳафтаи забон ва адабиёти рус” дар ҳошияи “Рўзи ҳадяи китоб”
Шуъбаи адабиёти кўдакон ва наврасони Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон бахшида ба 80 – солагии Ҷанги Бузурги Ватанӣ дар ҳошияи “Рўзи ҳадяи китоб” барномаи адабӣ-маънавӣ таҳти унвони “Ҳафтаи забон ва адабиёти рус” ҳамоиши муштарак баргузор намуд. Дар он Муовини аввали Директори Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон Салима Раҷабзода, хонандагони Муассисаи таълимии Литсейи Президентӣ барои хонандагони болаёқати Тоҷикистон, кормандони китобхона ва дигар меҳмонон ширкат варзиданд.
Муовини аввали директори Китобхонаи миллӣ Салима Раҷабзода ширкаткунандагон ва меҳмонони маҳфилро аз номи роҳбарияти Китобхонаи миллӣ хайрамақдам гуфта, ба муносибати “Рўзи ҳадяи китоб” ва “Ҳафтаи забон ва адабиёти рус” табрик намуд. Салима Раҷабзода дар идомаи суҳбаташ афзуд, ки “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон бузургтарин китобхона дар Осиёи Марказӣ буда, ҳамчун ганҷинаи фарҳанги миллӣ ва ҷаҳонӣ рисолати наҷиби худро ба хубӣ анҷом медиҳад. Мавсуф аз роҳбарияти Муассисаи таълимии “Литсейи Президентӣ барои хонандагони болаёқати Тоҷикистон” ҷиҳати ҳамкориашон изҳори миннатдорӣ намуда, иброз дошт, ки имсол ба муносибати 80-солагии ғалаба дар ҶБВ дар кишварҳои ИДМ нишасту ҳамоишҳои зиёде барпо мешаванд. Аз ин лиҳоз тибқи лоиҳаи байналмилалии Китобхонаи давлатии Русия таҳти унвони “Дети рисуют о Победе”, Китобхонаи миллӣ ширкати хонандагони “Литсейи Президентӣ барои хонандагони болаёқати Тоҷикистон”-ро дар ин лоиҳа муносиб медонад.
Сипас хонандагони “Литсейи Президентӣ барои хонандагони болаёқати Тоҷикистон” ба иштирокдорони маҳфил оид ба Ҷанги Бузурги Ватанӣ маълумоти дода, бахшида ба мавзуъ шеърҳо қироат намуданд. Сипас доир ба мусаввараҳои машҳури “Воин Красной Армии, спаси”, “Родина – Мать зовет”, ”Машенька”, На окраине Москвы”, ҳамчунин ансамбли ёдбуди “Қаҳрамонони муҳорибаи Сталинград”, муҷҷассамаи “Ватан–Модар даъват мекунад”, маҷмааи ёдгории “Қалъаи Қаҳрамони Брест” маълумоти муфассал доданд.
Аз тарафи хонандагони Литсейи Президентӣ сурудҳои “Священная война”, “В землянке”, “Синий платочек” иҷро шудаву ҳамоиш (реквием) ба шеърҳои “Варварство”(Мусо Ҷалил), “Мать”(А. Платонов), “Последние свидетели Соло для детского голоса”(С.Алексеевич), “День Победы” (Р.Рождественский) саҳнаҳо намоиш дода шуд.
Яке аз бахшҳои ҷолиби маҳфил “Саҳми Тоҷикистон дар Ғалаба” буд, ки дар он аз корнамоиҳои тоҷик-қаҳрамонони Иттифоқи Советӣ: Домулло Азизов, Исмоил Ҳамзаалиев, Тӯйчӣ Эрҷигитов ва дигарон ёдоварӣ карданд.
Дар ҷамъбасти маҳфил шуъбаи адабиёти кўдакон ва наврасони Муассисаи давлатии Китобхонаи миллӣ хотири иштирокдорон–хонандагони “Литсейи Президентӣ барои хонандагони болаёқати Тоҷикистон”-ро бо тӯҳфа намудани китоб шод гардонид.
Ногуфта намонад, ки Китобхонаи миллӣ ҳар сол “Ҳафтаи забон ва адабиёти рус” ва “Рўзи ҳадяи китоб”-ро бо шукуҳи хосса ва ҳадяи китобҳо ҷашн мегирад ва ин навбат низ ин маҳфил дар сатҳи олӣ баргузор гашт.
Махфират Муҳиддинова бахши
матбуот ва робита бо ҷомеа