Рўзи таъсисёбии Қувваҳои Мусаллаҳи Ҷумҳурии Тоҷикистон муборак, ҳомиёни далеру шуҷои Ватан!
Ҳамватанони азиз! Афсарону сарбозони шуҷои Ватан!
Бо шарофати сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кишвари соҳибистиқлоли мо сулҳу амният ҳукмрон буда, бо рўҳияи баланди ватандўстӣ Рўзи таъсисёбии Қувваҳои Мусаллаҳи Ҷумҳурии Тоҷикистон ҷашн гирифта мешавад.
Қувваҳои Мусаллаҳи Ҷумҳурии Тоҷикистон кафили амнияту якпорчагии давлати соҳибистққлоли Тоҷикистон ба ҳисоб рафта, хизматчиёни ҳарбӣ дар ҳифзи марзу буми Ватан, таъмини амнияти давлат ва ҳаёти осоиштаи сокинони мамлакат саҳми бузург доранд.
Ба ин муносибат Муассисаи давлатии «Китобхонаи миллӣ» тамоми афсарону сарбозони далеру шуҷои Ватанро самимона табрик намуда, ҳаёти осоишта, осмони мусаффо, хизмати содиқонаро баҳри пешрафт ва шукуфоии Ватани азизамон таманно дорем.
Ҳамватанони азиз!
Қувваҳои Мусаллаҳи Тоҷикистон дар ибтидои давлатдории навини Тоҷикистон дар вазъияти вазнини сиёсиву иқтисодӣ таъсис ёфта, барои пойдориву ҳифзи давлати соҳибистиқлоли тоҷикон аз имтиҳону озмоишҳои сахту сангин сарбаландона гузашта, афсарону сарбозони Артиши миллӣ дар ҳифзи марзу буми Ватан таъмини ҳаёти осоиштаи сокинон, Ваҳдати миллӣ ва мубориза бар зидди зуҳуроти номатлуб фидокориву мардонагӣ нишон додаанд.
Хизматҳои арзандаи афсарону сарбозони Қувваҳои Мусаллаҳро ҷиҳати таъмини сулҳу суботи кишвар баланд арзёбӣ намуда, муҳтарам Пешвои муаззами миллат зимни суханрониҳои худ таъкид доштанд, ки: «Қувваҳои Мусаллаҳ кафили амнияту якпорчагии давлати соҳибистиқлоли Тоҷикистон буда, дар ҳифзи марзу буми Ватан, таъмини амнияти давлат ва зиндагии осудаи сокинони кишвар саҳми бузург доранд. Мо эътимоди комил дорем, ки онҳо минбаъд низ истиқлолияту озодии Тоҷикистони маҳбубамон, амнияти давлат ва суботу оромии мардуми моро ҳамчун сипари боэътимод ҳимоя мекунанд».
Фидокориву ҷонбозиҳои афсарону сарбозони шуҷои Ватан ва хотираи неки ҷавонмардоне, ки барои ҳифзи хоки муқаддас, барқарор намудани сохти конститутсионӣ, пойдории сулҳу субот, ҳимояи марзу буми Ватан ва ҳифзи зиндагии осоиштаи сокинони мамлакат синаи худро сипар намуда, ҷоннисориҳо кардаанд, дар қалби халқ ва таърихи Ватан ҷовидонӣ буда, намунаи ибрати ҳар як ҷавонмард аст.
Дар даврони соҳибистиқлолӣ бо шарофати сиёсати хирадмандонаи муҳтарам Пешвои миллат ва дастгириҳои пайвастаи Ҳукумати кишвар Қувваҳои Мусаллаҳ ба сохтори муташаккилу боэътимод ва неруи қодир ба ҳимояи давлат ва халқи Тоҷикистон мубаддал гардид. Дар натиҷаи мустаҳкам шудани пояҳои давлатдорӣ таъминоти Артиши миллӣ бо техникаву таљҷизот ва силоҳу лавозимоти ҳарбӣ тадриҷан беҳтар гардида, маҳорату малакаи ҷангии ҷузъу томҳои низомӣ тақвият пайдо кард.
Таҳкими иқтидори мудофиавии кишвар ва баланд бардоштани ҳифзи иҷтимоии хизматчиёни ҳарбӣ яке аз масъалаҳои муҳиме ба ҳисоб меравад, ки Ҳукумати Тоҷикистон ба он таваҷҷуҳи хоса зоҳир менамояд.
Ҳамватанони азиз!
Эътимоди комил дорем, ки ҳайати шахсии ҷузъу томҳои ҳарбии дар шаҳр қарордошта ва сарбозони диёри мо, ки дар сафи Артиши миллӣ хизмат менамоянд, ба савганди ҳарбӣ содиқ монда, рисолати фарзандии худро дар назди Ватан, миллат ва давлати худ ҷавонмардона адо мекунанд ва тамоми донишу таҷриба, малакаву маҳорати худро ба хотири ҳифзи дастовардҳои истиқлолияти давлатӣ сафарбар месозанд.
Бо изҳори ниятҳои нек ҳамватанони азиз ва ҳайати шахсии ҷузъу томҳои Қувваҳои Мусаллаҳи Тоҷикистонро ба муносибати 33-солагии Рўзи таъсисёбии Қувваҳои Мусаллаҳи Ҷумҳурии Тоҷикистон табрик намуда, дар роҳи ҳифзи хоки муқаддас, амнияти давлату миллат, сулҳу оромӣ, матонату шуҷоат, саломативу сарбаландӣ, фатҳу иқбол ва дастовардҳои беназирро таманно дорем.
Рўзи таъсисёбии Қувваҳои Мусаллаҳи Ҷумҳурии Тоҷикистон муборак, ҳомиёни далеру шуҷои Ватан!
Бо эҳтиром,
Директори Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон,
Файзализода Ҷумахон Хол