Имрӯзи толори хониши Озмуни “Фурӯғи субҳи доноӣ китоб аст”
Боиси шодмонӣ ва шукргузорист, ки Истиқлоли давлатии Ҷумҳурии Тоҷикистон барои рушду нумӯи тамоми соҳаҳои ҳаёти ҷомеа шароити мусоид фароҳам овардааст. Бо ташаббус дастгириҳои бевоситаи Асосгузори сулҳу ваҳдати миллӣ, Пешвои миллат, Президент Ҷумҳурии Тоҷикистон муҳтарам Эмомалӣ Раҳмон дар радифи самтҳои гуногуни илму маърифат ба соҳаи китобдорӣ низ таваҷҷуҳи хоса зоҳир гардид.
Воқеан дар ташаккули андешаи миллӣ ва таҳкими истиқлол нақши китоб хеле бузург аст. Маҳз ҳамин дастгириҳои маърифатпарваронаи Пешвои муаззами миллат аст, ки солҳои охир соҳаи китобдорӣ, илму ирфон рӯз ба рӯз рушд мекунад. Шоиста ба зикр ва таҳсин аст, ки ҳар як иқдом ё санае, ки аз андешаҳои сабзу созандаи Пешвои муаззами миллат муҳтарам Эмомалӣ Раҳмон арзи вуҷуд мекунад, боиси болоравии маънавиёти мардум ба хусус насли ҷавон, роҳнамоии мардум ҷиҳати муаррифии худ ҳамчун миллати соҳибтамаддуну соҳибдавлат мегардад…
Озмуни ҷумҳуриявии «Фурӯғи субҳи доноӣ китоб аст» яке аз ҳамин гуна иқдомоти созанда аст, ки ҳамасола дар он садҳо нафар ширкат ва даҳҳо нафар соҳиби ҷоизаҳо мегарданд.
Ёдовар шудан ба маврид аст, ки жар шуъбаи хизматрасонӣ ба истифода барандагони Муассисаи давлатии « Китобхонаи миллӣ» – и Дастгоҳи иҷроияи Президент Ҷумҳурии Тоҷикистон толори озмуни ҷумҳуриявии «Фурӯғи субҳи доноӣ китоб аст» мавҷуд аст, ки дар он довталабони ин озмуни ҷумҳуриявӣ ҳузур меёбанд ва худро омода месозанд.
Тавре медонем, ҳадаф аз гузаронидани ин озмун баланд бардоштани завқи китобхонӣ, тақвияти неруи зеҳнӣ ва дарёфти чеҳраҳои суханвару суханрон аз байни хонандагони муассисаҳо, магистраҳо, аспирантону омӯзгорони ҳамаи зинаҳои таҳсилот, намояндагони касбу корашон гуногун ва инчунин дигар табақаҳои аҳолии кишвар мебошад.
Дар толори хониши «Фурӯғи субҳи доноӣ китоб аст» 1059 адабиёт бо забони тоҷикӣ ва 279 китоб бо забони русӣ аз рӯи низомномаи озмун ва наминатсияҳо гузошта шудааст, ки довталабон аз онҳо истифода мекуннад.
Ойҷонгул Давронова,
сармутахассиси шӯъбаи хизматрасонӣ
ба истифодабарандагони Китобхони
миллии Тоҷикистон.