Ҳаким Низомии Ганҷавӣ дар боби занон

Исмати зан ҷамоли шӯй бувад,

Шаб чу маҳ ёфт моҳрӯй бувад.

*****

На  ҳар зан зан бувад, ҳар зода фарзанд,

На ҳар гул мева орад, ҳар найе қанд.

*****

Зан он беҳ, ки зевар кашад пойи ӯ,

На зан дон, ки зиндон бувад ҷойи ӯ.

*****

Он пӯшад зан, ки ришта бошад,

Мард он даравад, ки кишта бошад.

*****

Бо ваҳш ба ҳам сурудгӯйӣ,

Беҳтар , ки ба хона талххӯйӣ.

*****

Зан гарчи бувад муборизафкан,

Охир чу зан аст, ҳам бувад зан.

*****

Яке ҷуфти танҳо туро бас бувад,

Ки бисёр кас марди бекас бувад.

*****

Ба чандин канизони ваҳшинаҷод,

Мадеҳ хирмани умри худро ба бод.

*****

Гулро натавон ба бод додан,

Маҳзода ба девзод додан.

*****

Ҳар зан ба дасти зӯр хоҳанд,

Нон хушку асида шӯр хоҳанд.

*****

Зан он беҳ, ки дар парда пинҳон бувад,

Ки оҳанги бепарда афғон бувад.

*****

Зан майл зи мард беш дорад,

Лекин сӯйи коми хеш дорад.

Зан рост набозад он чӣ бозад,

Ҷуз зарқ насозад, он чи созад.

*****

Зане, к-ӯ намояд ба бегона рӯй,

Надорад шукӯҳи худу шарми шӯй.

Агар худ зан аз  сангу оҳан бувад,

Чу зан ном дорад, ҳамон зан бувад.

*****

Кунад бо ҷинси худ ҳар ҷинс парвоз
Кабӯтар бо кабӯтар, боз бо боз.

Нашояд бодро дар хок бастан,

На бо ҳам обу оташро нишастан.

*****

Касе он ойина бар каф чӣ гирдад,

Ки ҳар дам нақши дигар кас пазирад?!

Аз китоби  Низомии Ганҷавӣ: “Ҳазору як андарз, Душанбе 2007

Таҳияи Саломат Яъқубова, сармутахассиси шуъбаи
хизматрасонӣ ба шахсони имконияташон маҳдуд