Боз даҳ нафар кормандони Китобхонаи миллӣ давраи омӯзишии кутоҳмуддати барномаи “Алеф”-ро хатм карданд
10-уми июли соли 2024 дар Маркази таҳсилот ва инноватсияҳои китобдории Муассисаи давлатии “Китобхонаи миллӣ”-и Дастгоҳи иҷроияи Президенти Тоҷикистон гурӯҳи дуюми шунавандагони курси кӯтоҳмуддати омӯзиши барномаи электронии “Алеф” имтиҳони хатм супориданд.
Шунавандагон аз бахши феҳристнигории барномаи “Алеф” имтиҳон супорида, ҳар кадоми онҳо ба таври амалӣ дар барномаи электронӣ китобҳоро бо хусусиятҳои тахассусияшон вориди барнома намуданд.
Барномаи электронии “Алеф” барномаи тахассусии китобдорӣ буда, барои фаъолияти инноватсионии китобхонаҳо тарроҳӣ шудааст ва аз чор модул иборат мебошад.
Ин барнома барои пайдо намудани осону фаврии китобу маълумоти зарурӣ ба хонандагон хидмати шоиста расонида, вақти хонандагонро сарфа намуда, фаъолияти кормандони китобхонаҳоро ҳамқадами замон мегардонад.
Гуфтанист, ки танҳо аз аввали соли ҷорӣ 36 нафар кормандони бахшҳои мухталифи Китобхонаи миллӣ давраҳои кутоҳмуддати омӯзишии барномаи “Алеф”-ро хатм карданд ва 30 нафари онҳо соҳиби шаҳодатномаи хатм шуданд.
Муҳаммадиқбол АТОЗОДА, сардори шуъбаи таҳсилот ва инноватсияи китобдорӣ.