Фаъолияти пурсамари шуъбаи таъмир ва тармими ҳуҷҷатҳо
Шуъбаи таъмир ва тармими ҳуҷчатҳои Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон яке аз шуъбаҳои таркибии Китобхонаи миллӣ ба ҳисоб меравад. Шуъба сараввал ҳамчун бахш фаъолият карда, аз 1 январи соли 2023 ҳамчун шуъба фаъолияти худро оғоз намуд.
Вазифаи асосии шуъба қонеъ гардонидани талаботи шуъба, бахш ва марказҳои Китобхонаи миллӣ доир ба таъмир ва тармими фонди китоби онҳо мебошад. Он фаъолияти пурсамари худро баҳри умри дубора бахшидан ба китобхои фарсуда ва таъмирталаб равона менамояд.
Вазифаҳои асосии шуъба аз инҳо иборат аст:
– талаботи шуъбаҳои Китобхона ва дигар муштариёнро дар корҳои таъмиру тармими фондҳои фарсудаю дарида қонеъ мегардоннад;
– ба шуъбаҳои Китобхона ва китобхонаҳои ҷумҳурӣ дар масъалаи таъмиру тармими фондҳои китоб ёрии амалию методӣ мерасонад;
– корҳои таъмиру тармими марказҳои ҷумҳуриявии мамлакатро ҳамоҳанг месозад;
– таҷрибаи пешқадами соҳаро меомӯзад ва онро дар фаъолияти кории шӯъба ҷорӣ менамояд.
Кормандони шуъба мутобиқи дархости шуъбаҳо ва бахшҳои Китобхонаи миллӣ зарфи чор соли охир 14 ҳазору 189 нусха адабиёти фарсудашударо таъмир ва муқовабандӣ намуданд.
Сарварии шуъбаро Нуриддин Саъдуллоев ба уҳда дошта, мутахассисони пуртаҷрибаи соҳаи таъмир ва тармими ҳуҷҷатҳо Бибӣ Давронова, Давлатмоҳ Сарабекова, Нигина Ахмедова, Саломат Раҳимова, Шаҳло Шарипова, Хайриниссо Шарифова ва Махфират Муҳидинова аз ҷумлаи кормандони он мебошанд. Онҳо бо заҳмати зиёд ба китобҳои фарсуда умри дубора мебахшанд.
Роҳбарияти Муассисаи давлатии «Китобхонаи миллӣ» -и Дастгоҳи иҷроияи Президенти Ҷумҳурии Тоҷикистон ҳамеша баҳри пешрафти фаъолияти шуъбаи мазкур таваҷҷуҳ зоҳир менамояд. Мутобиқи барномаи «Рушди китобхонаи миллии Тоҷикистон барои солҳои 2022-2027» шуъбаи мазкур бо таҷҳизоти замонавии таъмир ва тармими ҳуҷҷатҳо муҷаҳаз гардонида мешавад.
Ҳамкории шуъба бо як қатор китобхонаҳои кишварҳои Иттиҳоди Давлатҳои Мустақил дар самти таъмир ва тармими ҳуҷҷатҳо ба роҳ монда шудааст.
Сафарбӣ Қурбоналиева,
мутахассиси шуъбаи таъмир ва
тармими ҳуҷҷатҳо