Ҷамъбасти даври чоруми озмуни ҷумҳурияивии «Фурўғи субҳи доноӣ китоб аст»

Ҷамъбасти даври чоруми озмуни ҷумҳурияивии «Фурўғи субҳи доноӣ китоб аст» дар ошёнаи 3-и Китобхонаи миллӣ доир гардид, ки дар он муовини сарвазири мамлакат Матлубахон Сатториён, муовини вазири маориф ва илми Ҷумҳурии Тоҷикистон ва котиби комиссияи ҷумҳуриявии озмуни «Фуруғи субҳи доноӣ китоб аст» Абдуллозода Зиё Назар, мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуллозода Масрур Аҳмад, муовини раиси Ҳизби халқии Тоҷикистон Латифзода Асрор Қурбон, муовини аввали директори Китобхонаи миллӣ Салима Раҷабзода ширкат намуданд.

Дар ҷаласа ба ширкаткунандагони фаъоли озмун ва ба кормандони Китобхонаим миллӣ Ифтихорномаву Сипосномаҳои Вазорати маориф ва илми Ҷумҳурии Тоҷикистон    тақдим гардид.

Матлубахон Саттоиён ҷаласаро ифтитоҳ намуда изҳор дошт: Бо арзи адаб ва камоли эҳтиром ба донишу ҳунари суханварии ширкаткунандагони озмуни «Фурўғи субҳи доноӣ китоб аст», ба омўзгороне, ки барои омода кардани шогирдонашон кўшиш менамоянд, падару модароне, ки барои фарзандони худ шароити мусоидро барои хондани китобҳои бадеӣ фароҳам оварданд, аз ҷониби муассиси озмун Асосгузори сулҳу ваҳдати миллӣ, Президенти кишвар, муҳтарам Эмомалӣ Раҳмон ва Комиссияи озмуни ҷумҳуриявии озмуни «Фурўғи субҳи доноӣ китоб аст» барои дастгирии ташаббусҳои маорифпарварона ва иштироки фаъолона арзи сипос менамояд.

Соли 5- ум аст, ки фазои кишвари моро озмуни «Фурўғи субҳи доноӣ китоб аст» бо муаррифии чеҳраҳои суханвар, донишманд, забондону эҷодкор мунаввар сохтааст. Талошҳо аҳли ҷомеаи кишвар барои хондан ва аз худ кардани осори бадеии ниёгон ва асарҳои адибони ҷаҳоншумули олам сол аз сол бештару беҳтар гардида истодааст. 5 сол боз бар илова ба ташаббусҳои фарҳангу маорифпарваронаи Пешвои маҳбуби миллат ҷаҳду талошҳои аҳолии кишвар аз хурд то бузург эҳсос мегардад, – гуфт ӯ.

Дар нишасти тантанавии ҷамъбасти озмун ба омўзгороне, ки шогирдонашон дар озмун ҷойҳои сазоворро соҳиб гардиданд, нишони «Алочии маорифи Тоҷикистон» тақдим гардид.

Ҳамчунин муовинони ректорони донишгоҳҳо, ки дар номинатсияҳо вазифадор буданд, қадрдонӣ шуданд.

Китобхонаи миллӣ ба кормандони Вазорати маориф ва илми Ҷумҳурӣ аз ҷумла, ба сармуҳаррири нашрияи «Омўзгор» Эҳсон Сафарзода, сардори Маркази матбуоти Вазорати маориф ва илми ҷумҳурӣ Наврўзи Ҷумъамурод, директори маркази таҳия, нашр ва муомилоти китобҳои дарсии Вазорати маориф ва илми Ҷумҳурии Тоҷикистон Рустам Пиракзода, котиби масъули маҷаллаи «Маърифати омўзгор» Бобоев Қурбоналӣ Сипосномаву Ифтихорномаҳо тақдим намуд.

Ҳамзамон аз ҷониби Вазорати маориф ва илми кишвар низ як қатор кормандони Китобхонаи миллӣ, ки дар сатҳи баланд баргузор шудани озмун, хидматрасонӣ ба ширкаткунандагон, раҳнамоиҳо саҳми арзанда гузоштанд,  бо Сипосномаҳо сарфароз гардиданд.

Дар поёни нишаст муовини Вазири маориф ва илми ҷумҳурӣ Зиё Абдуллозода иброз дошт:

Тасаввур кунед агар 5 сол пеш ин озмуни бошукуҳ дар ҳаёти мо намебуд, тарбияи шаҳрвандии мо, махсусан тарбияи насли наврас имрўзҳо дар кадом сатҳ қарор медошт. Бинобарин озмун озмун аст сипосгузор ҳастем бевосита аз Пешвои Муаззами миллат, ки бо сиёсати хирадмандона тавонистанд, ки ояндаи Тоҷикистонро бисозанд.

Миннатдорем аз шарикони рушд, ки доимӣ дар ташкилу баргузор намудани озмуни ҷумҳриявии «Фурўғи субҳи доноӣ китоб аст» бо мо ҳамкорӣ менамоянд.

Аз ҷумла, Кумитаи иҷроияи Ҳизби халқии демократи Тоҷикистон, ки хамеша дар ҳама кори мо бо мо ҳамсафаранд, иштиркчиёни калонсоли озмун ва шахсони дорои имконоти маҳдуди озмунро дастгирии молӣ карданд

Аз шогирдон умедворем ки дар оянда боз ҳам бо тайёрии  хуб меоянд.

Гуфтанист, ки озмуни “Фурӯғи субҳи доноӣ китоб аст” соли панҷуми худро ҷамъбаст намуд ва қарор аст рӯзи 15-уми ноябр маросими ботантанаи ҷоизасупорӣ ба ғолибони ҷойҳои аввал ва ифтихорӣ баргузор шавад.

Раҳима АЪЗАМ