Китобхонаи миллӣ Рӯзи Артиши миллиро ҷашн гирифт

Тарабхонаи тозабунёди “Деҳа” дар маркази пойтахт Рӯзи таъсисёбии Қувваҳои мусаллаҳи Тоҷикистонро бо 70 нафар аъзоёни шуъбаи хидматрасонӣ ба шахсони имконияташон маҳдуди Муассисаи давлатии “Китобхонаи миллӣ”-и Дастгоҳи иҷроияи Президент ҷашн гирифт.

70 нафар аъзоёну кормандони шуъбаи хидматрасонӣ ба шахсони имконияташон маҳдуди Китобхонаи миллӣ ва бошандагони хонаи пиронсолони шаҳри Душанбе дар ифтитоҳи тарабхонаи “Деҳа” Рӯзи Артиши миллиро таҷлил намуданд.

Маҳфилро муовини аввали диретори Китобхонаи миллӣ Салима Раҷабзода ҳусни оғоз бахшид.

Ӯ дар баробари суханони табрикотиаш иброз дошт, ки рӯзи 23-юми феврал аз таъсиси Артиши миллӣ 32 сол пур мешавад. Ҷумҳурии Тоҷикистон пс аз пош хҳрдани иттиҳоди Шӯравӣ яке аз аввалин давлатҳое буд, ки артиши миллии худро таъсис дода, оромиву амнияти кишварро фароҳам сохт.

Ба таъкиди Раҷабзода 32 соли фаъолияти сохторҳои гуногуни ҳарбӣ дастовардҳои назаррас дошта, Ҳукумати Ҷумҳурии Тоҷикистон ба ин самт таваҷҷуҳи махсус дошта, рушди Қувваҳои мусаллаҳро пояи асосии давлатдорӣ мешуморад.

Зикр гардид, ки хидматдар сафи Артиши миллӣ ва ҳифзи марзу буми Ватан вазифаи муқаддаси шаҳрвандон аст. Моддаи 43-юми Сарқонуни Ҷумҳурии Тоҷикистон низ ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии онро  қарзи шаҳрвандон медонад.

Шавкат Мирзоев раиси Иттиҳоди интернатсионалистони собиқадори Ҷумҳурии Тоҷикистон низ дар маҳфил ширкату суханронӣ намуд.

Сарпарасти ин маҳфил роҳбари тарабхонаи мазкур буд, ки барои шахсони камтавон ва пиронсолон зиёфати ҷашнӣ орост.

Шавкат Комилҷонзода сарвари тарабхонаи “Деҳа” барои ҳамкориҳои судманд бо шуъбаи хидматрасонӣ ба шахсони имконияташон маҳдуди Китобхонаи миллӣ бо Сипосномаи китобхонаи миллӣ қадрдонӣ гардид.

Дар қисмати фарҳангии маҳфил ҳунармандон  ва хонандагони шуъбаи хидматрасонӣ ба шахсони имконияташон маҳдуди Китобхонаи миллӣ бо сурудҳои ҷаззобу гушнавоз хотири аҳли нишастро шод гардонданд.

Раҳима Аъзам, бахши матбуот ва робита бо ҷомеа.