Кормандони Медиатекаи Президенти Тоҷикистон дар Кохи Суруш намоиши китобҳои Пешвои миллатро ташкил карданд
Имрӯз кормандони Медиатекаи Президентии Муассисаи давлатии “Китобхонаи миллӣ”-и Дастгоҳи иҷроияи Президентии Ҷумҳурии Тоҷикистони дар чорабинии сиёсӣ-фарҳангии Кумитаи Иҷроияи Ҳизби Халқии Демократии Тоҷикистон дар ноҳияи Исмоили Сомонӣ, ки дар ҳамбастагӣ бо Кумитаи Иҷроияи Ҳизби Халқии Демократии Тоҷикистон дар шаҳри Душанбе ва Кумитаи Иҷроияи Марказии Ҳизби Халқии Демократии Тоҷикистон доир шуд, бо ташкили намоиши китобҳои Пешвои миллат муҳтарам Эмомалӣ Раҳмон ширкат карданд.
Ин чорабинӣ ба Рӯзи Президенти Ҷумҳурии Тоҷикистон бахшида шуда буд ва онд дар “Кохи Суруш” баргузор шуд. Дар он донишмандон, таҳлилгарон, намояндагони вазорату идораҳо ва рӯзноманигорон иштирок намуданд.
Гуфтанист, ки 15 ноябри соли 2023 дар Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон мизи гирд таҳти унвони “Президент – ҳомии миллат” баргузор мешавад.
Дар он намояндагон аз Ҳизби Халқии Демократии Тоҷикистон, Дастгоҳи иҷроияи Президенти Ҷумҳурии Тоҷикистон, Маҷлиси намояндагони Маҷлиси Олии Ҷумҳурии Тоҷикистон, Академияи миллии илмҳои Тоҷикистон, Маркази миллии қонунгузории назди Президенти Ҷумҳурии Тоҷикистон, Маркази тадқиқоти стратегии назди Президенти Ҷумҳурии Тоҷикистон, Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, намояндагон аз вазорату идораҳо ва донишгоҳу донишкадаҳо ва воситаҳои ахбори омма ширкат хоҳанд кард.