Муҳаммадрафии Кароматуллоҳ дар меҳмонии шахсони имконияташон маҳдуд дар Китобхонаи миллӣ
Муҳаммадрафии Кароматуллоҳ овозхони маъруф имрўз дар ҷашни солинавии хонандагони шуъбаи хизматрасонӣ ба шахсони имконияташон махдуди Китобхонаи миллӣ ҳунарнамоӣ намуд. Ин маҳфил, ки бо ибтикори шуъбаи хизматарсонӣ ба шахсони имконияташон маҳдуди Китобхонаи миллӣ доир гардид.
Онро муовини директори Китобхонаи миллӣ Ҷалолуддин Нурзода оғоз намуда, аз таваҷҷўҳи беандозаи Пешвои муаззами миллат, муҳтарам Эмомалӣ Раҳмон ба маъюбону афроди дорои имконоти маҳдуд ёдовар шуд. Вай аз ҷумла гуфт, ки ҳамеша Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон шуморо ҳимоя менамоянд ва барои шумо тамоми имконотро муҳайё кардаанд. Ба кадом ноҳияе, ки сафар кунанд, аввал аз ҳоли шахсони дорои имконоти маҳдуд мепурсанд. Ин эҳтироми роҳбари давлат аст. Ман аз ин ифтихор мекунам.
Муҳаммадрафии Кароматуллоҳ аз муҳаббату эҳтиромаш нисбати маъюбон ибрози ақида намуд:
Ман ҳар куҷо намеравам, аммо ҳар гоҳе шахсонои маълул маро дар маҳфилҳояшон даъват намоянд, ҳама корамро партофта, маҳфилҳои онҳоро обод менамоям. Ҳамаи шуморо бо омадани Соли нав табрик гуфта, аз Худованд орзу мекунам ҳар куҷое бошед, сиҳату саломат бошед ва мо як умр дар хурсандиҳои шумо бошем. Хонаобод бошед.
Сипас ў чанд суруди шоду дилангез барои ҳаводоронаш иҷро кард.
Дар ин ҷашни хурсандӣ хунармандони дигар низ ташриф оварда, бо иҷрои рақсу суруд табъи меҳмононро болида гардонданд. Дар охири маҳфили хотирмон туҳфаҳои солинавӣ ба ширкаткунандагон аз ҷумла шахмони имконияташон маҳдуд тақдим гардид.
Гурӯҳи ҳунарии “Афсона” низ дар ин маҳфил ширкат кард ва бо намоиши саҳнаҳои театрӣ табъи иштирокдоронро шод намуд.
Ёдовар мешавем, ки шуъаи мазкури Китобхона ҳамеша барои ин қишри ҷомеа маҳфилу нишастҳо доир намуда, онҳоро ба театру синамо низ мебаранд.
Чанде пеш дар ин шуъба маҳфили «Хандарез» бо ширкати ҳаҷвнигорони маъруфи кишвар доир шуда буд.
Раҳима Аъзам,
бахши матбуот ва
робита бо ҷомеа