Муовини аввали директори муассисаи давлатии «Китобхонаи миллӣ”-и Дастгоҳи Иҷроияи Президенти Ҷумҳурии Тоҷикистон

Раҷабзода Салима Совет

10-уми майи соли 1969 дар шаҳри Душанбе таваллуд шудааст.

Солҳои 1976-1986 дар мактаби миёнаи №34-и шаҳри Душанбе таҳсил кардааст.

Соли 1986-1991 дар факултети китобхонашиносӣ ва библиографияи Донишкадаи санъати ба номи Мирзо Турсунзода (ҳоло Донишкадаи фарҳанг ва санъати ба номи Мирзо Турсунзода) таҳсил кардааст.

Солҳои 1987-1988 дар Донишгоҳи давлатии Тоҷикистон ба номи В.И.Ленин (ҳоло Донишгоҳи миллии Тоҷикистон) дар вазифаи китобдори калон кор кардааст.

Солҳои 1988-1990 Котиби Кумитаи комсомоли техникуми сохтмони шаҳри Душанбе ва солҳои 1990-1996 китобдори калони Донишкадаи давлатии педагогии ба номи Т. Г. Шевченко (ҳоло Донишгоҳи омӯзгории ба номи Садриддин Айнӣ) буд.

Солҳои 1996-2006 чун менеҷери дар Хонаи маишии «Садбарг» фаъолият дошт.

Солҳои 2006-2009 дар вазифаи сармутахассиси шуъбаи сабти асноди ҳолати шаҳрвандии Мақомоти иҷроияи маҳалии ҳокимияти давлатӣ дар ноҳияи Исмоили Сомонии шаҳри Душанбе саргарми кор шуд.

Аз соли 2012 пурра ба кори китобдорӣ гузашт.Аввал дар вазифаи сармутахассиси шуъбаи нигоҳдории рисолаҳои илмии Китобхонаи миллии Тоҷикистон  кор кард.

Солҳои 2012-2015  сардори шуъбаи нигоҳдории рисолаҳои илмии Китобхонаи миллии Тоҷикистон буд.

Солҳои 2015-2020 муовини директори Муассисаи давлатии «Китобхонаи миллии Тоҷикистон» буд.

4-уми феврали соли 2020 бо Амри Президенти Ҷумҳурии Тоҷикистон муовини аввали Директори Муассисаи давлатии «Китобхонаи миллии Тоҷикистон» таъин шуд.

Солҳои 2015-2019 аспиранти ғоибонаи кафедраи ҷомеашиносии Донишкадаи давлатии фарҳанг ва санъати ба номи Мирзо Турсунзода буд.

Соли 2024 бо медали “Хизмати шоиста” сарфароз гардонда шудааст.

Ҳамчунин хидматҳояш аз ҷониби Вазорати фарҳанги Ҷумҳурии Тоҷикистон бо нишони «Аълочии фарҳанги Ҷумҳурии Тоҷикистон» (соли 2013) ва «Аълочии матбуоти Ҷумҳурии Тоҷикистон» (соли 2018) ва дигар сипосномаву ифтихорномаҳо қадрдонӣ шудааст.

Соли 2024 рисолаи номзадиро дар мавзуи “Омӯзиши таърихи кори китобхонаҳои Тоҷикистон (солҳои 1917-1991)” дифоъ карда, соҳиби унвони илмии номзади илмҳои таърих шуд.

Муаллифи беш аз 50 мақолаҳои илмӣ мебошад.

Забонҳои русӣ ва англисиро медонад.

Оиладор, соҳиби 4 фарзанд: 2 духтар ва 2 писар мебошад.