Муовини директори Муассисаи давлатии «Китобхонаи миллии Тоҷикистон»-и Дастгоҳи Иҷроияи Президенти Ҷумҳурии Тоҷикистон

13 декабри соли 1987 дар деҳаи Қиёти н. Қубодиёни Ҷумҳурии Тоҷикистон таваллуд шудааст. Соли 2005 муассисаи таҳсилоти миёнаи умумии №1-и н.Қубодиёнро хатм намуда, ба факултети журналистикаи Донишгоҳи миллии Тоҷикистон дохил ва онро соли 2010 бо ихтисоси рӯзноманигор хатм кардааст.

Фаъолият Атозода М. аз соли 2010 дар Шабакаи якуми Телевизион Тоҷикистон ба ҳайси муҳаририри идораи барномаҳои ҷавонӣ, варзиш ва сайёҳӣ оғоз шуда, солҳои 2010-2012 хабарнигори ҳафтаномаи “Ҷавонони Тоҷикистон” буд.

Аз моҳи ноябри соли 2012 дар Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон то декабри соли 2017 дар вазифаҳои мудири шуъбаи тарғиб ва баргузории чорабиниҳои фарҳангӣ ва мудири шуъбаи матбуоти даврӣ ифои масъулият доштааст.

Аз декабри соли 2017 то январи соли 2020 Мушовири калони Раиси Маҷлиси намояндагони Маҷлиси Олии Ҷумҳурии Тоҷикистон ва аз моҳи январи соли 2020 то феврали соли 2021 ба ҳайси муовини сардори Хадамоти матбуоти Маҷлиси намояндагони Маҷлиси Олӣ кор кардааст.

Аз феврали  соли 2021 то феврали соли 2022 ба сифати Сардори Раёсати котиботи Вазорати меҳнат, муҳоҷират ва шуғли аҳолии Ҷумҳурии Тоҷикистон фаъолият намуда, бо сабаби идомаи корҳои эҷодӣ аз мақоми худ истеъфо ва кори рисолаи номзадиашро идома додааст.

Аз феврали соли 2022 то 27 январи соли 2025 ба ҳайси Сардори Маркази таҳсилот ва инноватсияҳои китобдории МД “Китобхонаи миллӣ” кор карда, бо фармони Роҳбари Дастгоҳи иҷроияи Президенти Ҷумҳурии Тоҷикистон, таҳти №6 аз 27 январи соли 2025 ба ҳайси муовини директори МД “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон таъйин карда шудааст. Оиладор, соҳиби ду фарзанд мебошад.

Атозода М. рисолаи номзадияшро дар мавзуи “Аносири жанрҳои публитсистӣ дар рӯзномаи “Бухорои Шариф” таҳти роҳбарии доктори илмҳои филологӣ, профессор Муродӣ Мурод дифоъ намуда, то ҳол 5 китоби илмию оммавӣ ва беш аз 300 мақолаҳои илмӣ ва публитсистияш дар нашрияҳои “Ватанпарвар”, “Ҷавонони Тоҷикистон”, “Ҷумҳурият”, “Садои мардум”, “Адабиёт ва санъат”, “Омӯзгор”, “Шарқи озод”, “Тоҷикистон”, “Дунёи китоб”, “Боргоҳи сухан”, “Маърифати Омӯзгор” ва маҷаллаҳои илмию тахассусии дохил ва хориҷи кишвар рӯи нашр омадаанд.

Дорандаи унвонҳои “Мушовири хидмати давлатӣ дараҷаи 1”, Аълочии матбуот, Ҷоизаи давлатии ҷавонон дар соҳаи рӯзноманигорӣ ва дипломи Вазорати фарҳанг мебошад.