Мустафо Наимов: Китоби “Забони миллат ҳастии миллат” сарнавишти миллат аст
Сеюмин рӯз аст, ки даври ниҳоии ин Озмуни ҷумҳуриявии «Донандаи беҳтарини асарҳои Пешвои миллат» дар Китобхонаи миллӣ идома дорад. Андешаҳои довталабон ва ҳадафи иштироки онҳо, таасурот ва тавсияҳо барои солҳои минбаъдаро дар суҳбати ҳамкорамон бихонед.
– Салом, Мустафо Наимов ҳастам донишҷӯи Донишкадаи энергетикии Тоҷикистон
– Мустафо мақсади иштирокатон дар Озмун дар чист?
– Максади иштироки ман дар Озмун ин мутолиаи асарҳои Пешвои миллат ва бохабар шудан аз таъриху фарҳанг ва забону ниёгони хеш, инчунин сайқал додани савияи дониши худ мебошад.
– Кадом асарҳои Пешвои миллатро мутолиа намудаед?
– Аз асарҳои Пешвои миллат 17 асарро аз ҷумла “Чеҳраҳои мондагор“, “Забони миллат ҳастии миллат” “Тоҷикон дар оинаи таърих“, “Уфуқҳои истиқлол” ва гайраҳоро мутолиа намудам.
– Аз мутолиаи ин асарҳо чи баҳра бардоштед?
– Ман аз мутолиаи асарҳои мазкур дарёфтам,ки мо чӣ таъриху фарҳангу забон доштаем. Аз куҷо омадем ва сарчашмаи мо куҷост. “Тоҷикон дар оинаи таърих” (Аз Ориён то Сомониён) ба мо меомӯзонад, ки чи гузаштагони некноми мо киҳо буданду кай ва дар куҷо зистанд. “Забони миллат ҳастии миллат“ китобест, ки мутолиааш барои ҳар нафар ҳатмист. Чун аз миллату забону пайдоиши он огоҳӣ пайдо намудан ва ба қадри ин неъматҳо расидан мебояд.
– Барои нафароне, ки минбаъд дар озмун ширкат меварзанд, чи тавсияҳо доред?
– Ман тавсия медодам, ки китобҳои дар Низомномаи Озмуни мазкур нишондодашударо ҷиддӣ мутолиа намоянд. Асарҳои Пешвои миллатро амиқтару дақиқтар аз худ кунанд ва бо тайёрии хуб ба Озмун биёянд.
– Суолҳои ҳайати ҳакамон мушкил набуд.?
– Саволҳо гуногун буданд, вале атрофи таърих, давлатдорӣ, забон ва қаҳрамонҳои халқи тоҷик бисёртар суолҳо пешниҳод шуд. То ҳадди имкон кӯшиш кардам посухҳои дақиқ пешниҳод намоям.
– Ташаккур, ба шумо муваффакият таманно мекунем.
– Саломат бошед!
Маврид ба ёдоварист, ки Озмуни «Донандаи беҳтарини асарҳои Пешвои миллат» бо ҳадафи амиқ омӯхтани мероси гаронбаҳои адабӣ ва илмии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир гардида истодааст. Китобҳо, таҳқиқот ва публисистикаи ӯ масъалаҳои муҳими таърих, фарҳанг, маънавият, инчунин роҳҳои рушду пешрафти давлат ва ҷомеаро фаро мегиранд.
Озмун ба ҷавонон ва ҷомеа имкон медиҳад, ки аҳамияти ин осорро дарк намуда, ғояҳои онро дар ҳаёти ҳаррӯза истифода баранд.
Суҳбаторо Сайёра Каримова,
Шуъбаи тарғиб ва барномаҳои фарҳангии Китобхонаи миллӣ.