Намоиши китоб бахшида ба 33-умин солгарди ҷашни бузурги Истиқлоли давлатии Тоҷикистон
Шуъбаи тарғиб ва барномаҳои фарҳангии Китобхонаи миллӣ бахшида ба 33-умин солгарди Истиқлоли давлатии Тоҷикистон намоиши китоб ташкил намуд. Беҳтарин навиштаҳои олимону донишмандон, сиёсатмадорону таҳлилгарон дар бораи Истиқлоли кишвар дар ин намоиш гирд оварда шуд.
Чуноне, ки Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон муҳтарам Эмомалӣ Раҳмон қайд намуданд: “Истиқлолият дар баробари ин, ки омолу орзуи деринаи халқи мо буд, инчунин лаҳзаи андеша ва таҳлили масъулияти ҳар фарди сарзамини аҷдодӣ барои расидан ба қадри гузашта ва фаъолияти созанда барои имрӯзу ояндаи Ватани маҳбубамон мебошад. Ҳамин ҳисси баланди масъулият дар назди гузашта ва имрӯзу ояндаи Ватан ва миллат ҳар яки моро водор месозад, ки барои ободиву оромии кишвари азизамон бо тамоми ҳастӣ талош варзем, содиқонаву аҳлона заҳмат кашем, дар ҳифзи манфиатҳои милливу давлатиамон доим зираку ҳушёр бошем, то қарзи худро дар назди Ватан ва халқи Тоҷикистон ба таври сазовор адо намоем. Дар зарфи 33-соли соҳибистиқлолӣ Тоҷикистон ба як силсила дастовардҳои бузурги бунёдие ноил гардид, ки сарнавишти минбаъдаи давлати мустақиламон ба онҳо вобастагии мустақим дорад. Муҳимтарин дастоварди мо дар ин давра таъмини сулҳу оромӣ, аз хатари нобудӣ наҷот додани давлатдории миллиамон ва аз парокандагӣ раҳоӣ бахшидани миллатамон мебошад”.
Хоҳишмандон метавонанд дар ошёнаи панҷуми бинои Китобхонаи миллӣ ин намоиши китоб бахшида ба Рӯзи Истиқлолро тамошо кунанд ва аз китобҳои он баҳра бардоранд.
Мутахассиси шуъбаи тарғиб
ва барномаҳои фарҳангӣ
Ниёзова Азиза