Намоиши китоб бахшида ба Рӯзи Президенти Ҷумҳурии Тоҷикистон
Бо манзури эҳтирому эътирофи фазилати сиёсатмадориву давлатдории навини кишвар, таъмини сулҳу ваҳдату ягонагии мардуми сарзамин ва болоравии обрӯву нуфузу мақоми Тоҷикистони соҳибистиқлоли мо дар арсаи байналмилалӣ, ки ин паёмадҳо дар маҷмуъ ба салоҳиятнокиву фаъолияти босамари Президенти Ҷумҳурии Тоҷикистон вобастагӣ дорад, дар қонунгузории кишварамон рузи 16 ноябр рузи Президент эълон шудааст.
Воқеан, хидматҳои шахсияти беназир Эмомалӣ Раҳмон дар бунёди давлатдории миллии тоҷик, барқарории ҳокимияти сиёсии давлатӣ, ҳифзи Истиқлоли давалтӣ, пешгирии хатари нобудшавии миллат, хомӯш намудани оташи ҷанги дохилӣ ва барқарорсозии сохтори фалаҷгардидаи ҳокимият хеле бузург аст.
Шуъбаи тарғиб ва барномаҳои фарҳангии Китобхонаи миллӣ бахшида ба Рӯзи Президенти Ҷумҳурии Тоҷикистон намоиши китоб ташкил намуд ва беҳтарину пурхонандатарин китобҳои Сарвари давлатро онҷо гирд овардааст.
Хонандагон бо ин намоиши китоб метавонанд дар шуъбаи ёдшуда, воқеъ дар ошёнаи панҷуми бинои Китобхонаи миллӣ ошно шаванд.
Абдуғаюр Саломов