Намоиши китоб бахшида ба зодрӯзи устод Мирзо Турсунзода

Шуъбаи тарғиб ва барномаҳои фарҳангии Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон бахшида ба 11–умин солгарди таваллуди Қаҳрамони Тоҷикистон, Шоири халқии Тоҷикистон Мирзо Турсунзода намоиши китоб ташкил намуд.

Устод Мирзо Турсунзода бо фарҳангу миллати худ ҳамеша мефах­ри­ду миллат бо ин фарзанди боистеъдоду некномаш.  Ашъори дилпазири шоир муҳимтарин масъалаҳои ҳаёти мам­лакат, дарди миллат ва орзуву ормонҳои ўро  дар бар мегирад.   Дар айни замон онҳо на танҳо арзишҳои олии иҷтимоии хал­қи то­ҷик, балки  идеалҳои  инсонпарваронаи дигар миллат­ҳоро низ ифода намуда, ба манфиати пешрафти иҷтимоӣ, сулҳ ва ҳам­кории халқҳои ҷаҳон хизмат мекунанд. Бесабаб нест, ки асарҳои шоири шуҳратёри тоҷик беш ба пан­ҷоҳ забони халқҳои ҷаҳон тар­ҷума шудаанд.

Устод Мирзо Турсунзода на танҳо як шоири тавоно буд, балки муддати 31 сол Иттифоқи нависандагони Тоҷикистонро сарварӣ кард ва даҳҳо қаламкаши ҷавонро ба шоҳроҳи бузурги эҷодӣ раҳнамоӣ намуд. Аз миёни шогирдонад даҳҳо тан шоиру навсандае шуданд, ки имрӯз бо номашон ифтихор мекунем.

Мактаби адабии Мирзо Турсунзода мисли мактаби устод Айнӣ дар ада­би­ёти муосири тоҷик роҳу равиши тозаи эҷодӣ ва навҷўиро бу­­нёд гузошт. Ӯ на танҳо ҳамчун шоири бузург, бал­ки арбо­би шоистаи давлатӣ ва ҷамъиятию сиёсӣ ва ба ҳайси Раиси Куми­таи як­ди­лии мамлакатҳои Осиё ва Африқо дар тамоми ола­ми мутамаддин шўҳрат дошт.

Абдуғаюр Саломов