Омодагии Китобхонаи миллӣ ба қабули довталабони даври ниҳоии озмуни “Фурӯғи субҳи доноӣ китоб аст”
Қарор аст пагоҳ, 5-уми декабр дар Муассисаи давлатии “Китобхонаи миллӣ”-и Дастгоҳи иҷроияи Президенти Тоҷикистон даври ниҳоии озмуни ҷумҳуриявии “Фурӯғи субҳи доноӣ китоб аст” оғоз шавад. Оғози озмун субҳ, баъди ҷаласаи ифтитоҳӣ дар назар дошта шудааст.
Ҳамаи толорҳое, ки тибқи номинаҳои озмун муҷаҳҳаз шудаанд, омодаанд. Субҳи имрӯз масъулини толорҳо бори охир ҳама камбудиҳои хурду резаро бартараф карданд ва толорҳоро пурра барои қабули довталабон омода сохтанд.
Чун солиёни пеш ҷойе ҳам барои волидон ва дӯстони довталабон, ки мехоҳанд мустақим дар ҷараёни суолу ҷавоби довталаб бо устодон бошанд, ҷудо шудаву бо техникаи зарурӣ ва нишинаҳо муҷаҳҳаз гардонда шудааст.
Масъулину навбатдорон ва раҳнамоҳои ҳар толор мушаххас шудааст ва умедворем мисли солҳои гузашта назму тартиб ва хидматрасонӣ дар сатҳи зарурӣ ба роҳ монда хоҳад шуд.
Китобхонаи миллӣ интизори довталабони даври ниҳоии озмуни ҷумҳуриявии “ФУРӮҒИ СУБҲИ ДОНОӢ КИТОБ АСТ”!!!
Абдуғаюр САЛОМОВ
