Рангорангии барномаҳои тафреҳӣ барои ширкаткунандагони даври ниҳоии озмун
Имсол барои ширкаткунандагони даври ниҳоии озмуни ҷумҳуриявии “Фурӯғи субҳи доноӣ китоб аст” барномаи вижаи сайру саёҳат ба ҷойҳои таърихӣ, фарҳангӣ ва мавзеъҳои сайёҳии шаҳри Душанбе, ҳамчунин мулоқот бо чеҳраҳои саршиноси илму адаби кишвар аз қабл тарҳрезӣ шудааст.
Чунончӣ, рӯзи 6-уми декабр, яъне дар дуюмин рӯзи ифтитоҳи даври ниҳоӣ иштирокчиёни озмун бо Китобхонаи миллӣ аз наздик ошно мешавад.
Рӯзи 7-уми декабр онҳоро мулоқот бо роҳбари маҳфили “Ҳамешабаҳор”, шоири маъруф Хайрандеш интизор аст. Қарор аст Хайрандеш дар бораи таърихи ин маҳфил, ки як гузаштаи шуниданӣ дорад, нақл кунад ва ба суолҳои хонандагон посух диҳад.
Ширкаткунандагон рӯзи 9-уми декабр ба саёҳати Осорхонаи миллӣ хоҳанд рафт ва бо гузаштаву имрӯзи миллат ва куҳнатарину тозатарин бозёфтҳои таърихӣ ошно хоҳанд шуд.
Рӯзи 10-уми декабр онҳо бо Раиси Иттифоқи нависандагони Тоҷикистон, шоири маъруф Низом Қосим дидор хоҳанд кард. Устод Низом Қосим дар ин мулоқот, ки дар Китобхонаи миллӣ баргузор мешавад, бо зумрае аз адибони саршиноси кишвар ҳузур хоҳад ёфт.
Саёҳат ба Осорхонаи Сайёҳат ба осорхонаи “Пешвои миллат”-и ДМТ рӯзи 11-ум дар назар дошта шудааст.
Вохури бо намояндагони Академяи миллии илмҳои Тоҷикистон бошад, рӯзи 12-ум баргузор мешавад
Рӯи 14-уми декабр онҳо дар дарси маҳорат ба иштироки доктори илмҳои филология Нуралӣ Нуров ва Зайтметов Ҳусейн – номзади илмҳои психологияи Донишгоҳи давлатии Хуҷанд ба номи академик Б. Ғафуров ширкат хоҳанд кард.
Шаҳодатхон ДАВЛАТОВА.