Сайри олами китоб. Ишқи аввал наравад аз ҳарами хотираҳо…
Вохӯрдани асари нависандае, ки унвони доктори илмҳои техникиро дошта бошад, на ҳамеша пеш меояд. Аммо Хайрулло Амонулло маҳз ана ҳамин гуна нависандаи кампайдост. Хайрулло Амонулло муаллифи мақолаҳои зиёди илмиву асарҳои бадеӣ аст. Дар радифи асарҳои нависанда “Васлнома”, “Фоҷиаи ишқ”, “Назокат”, “Шикор” ва чандеи дигар асаре ҳаст бо номи “Ишқи аввал…”. Дар асар ишқи поки ду ҷавон: Асрор ва Нигина ба риштаи сужа кашида шудааст.
Ҳарчанд ишқи аввалро ба “ғӯраи сармозада” ташбеҳ медиҳанд, ҳаёт борҳо исбот кардааст, ки на ҳамеша чунин аст. Қаҳрамонони асар бо вуҷуди ишқи самимиву пок доштанашон нисбат ба ҳам бо амри тақдир ҳар яке зиндагии хешро месозад, вале на бо хоҳишу майли худ, балки бо сабаб гаштани таззодҳои гуногуни зиндагӣ, “ин хел мумкин нест”-ҳову “мардум чӣ мегӯянд”-ҳо ва боз дигару дигарҳои зиёд. Дар симои Асрор нависанда ҷавонмардиву истодагарии марди ҳақиқӣ, рафтори муаддабонаву эҳтироми волидайн ва аҷр гузоштан ба хоҳишу ниятҳои волидайнро нишон медиҳад.
Нигина низ духтараки зебову дидадаро аз хати кашидаи волидонаш берун нест. Тӯъмаи ҷоҳхоҳиҳои падар гаштаву мавриди таҳқиру таънаҳои шавҳару хушдоман шуд, вале сар боло накард. Ба насиҳатҳои модараш “ором шав бачаҷон. Вазнин шав. Зиндагиба ҷангу ҷанҷол мешад, ҳамаш мегузарад. Ҳиҷ гап не…”, гӯш дод. Ҳарчанд дар урфият “санги вазнинро об намебарад” гӯянд ҳам бори гарони зиндагии бемуҳаббат ва берабту фосиқонаи Ашраф Нигинаро аз по зад…
Да зимн, дасти сарнавишт сеҳру ҷодуи худро дорад, ки қаҳрамонони “Ишқи аввал…” дар фарҷом соҳиби тӯҳфаи тақдир гаштанд. Ҳодисаҳои пурдаҳшату ҳикматомези ҳаёт билохира Асрор ва Нигинаро ба висоли якдигар мерасонанду онҳо хушбахт мегарданд…
Китоби Хайрулло Амонулло “Ишқи аввал” дар Телеграмканали мо қобили дарёфт ва мутолиа аст.
Он ин ҷост: “ИШҚИ АВВАЛ”
Мағфират Муҳиддинова