Сеюмин форуми байналмилалии китоби кӯдакону наврасони кишварҳои ИДМва Гурҷистон дар Москав
Сардори шуъбаи адабиёти кӯдакон ва наврасони Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон Шаҳноза Дониёрова дар Сеюмин форуми байналмилалии китоби кӯдакону наврасони кишварҳои Иттиҳоди Давлатҳои Мустақил ва Гурҷистон дар шаҳри Маскав ширкат намуд.
Рӯзҳои 3-5 уми декабри соли 2025 Сеюмин форуми байналмилалии китоби кӯдакону наврасони кишварҳои Иттиҳоди Давлатҳои Мустақил ва Гурҷистон дар Маскав доир гардид, ки дар он намояндагони китобхонаҳои давлатҳои Русия, Белорус, Тоҷикистон ва дигар давлатҳои ИДМ ширкат намуданд.
Мавзуи асосии Форум “Фолклор ҳамчун пояи тарбияи хонандагони наврас: лоиҳаҳо ва дурнамои ҳамкорӣ дар кишварҳои ИДМ ва Гурҷистон” буд. Дар доираи ин Форум иштирокчиён бо фаъолияти Китобхонаи бачагонаи шаҳри Маскав ва хидматрасониҳои он аз наздик ошно гардида, ҳамчунин аз махзанҳои китобхонаи мазкур дидан карданд.
Ҷумҳурии Тоҷикистонро дар ин Форум Шаҳноза Дониёрова сардори шуъбаи адабиёти кӯдакону наврасони Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон муарифӣ намуд.
Шаҳноза Дониёрова дар мавзуи “Анъана ва замонавият: нақши фолклори тоҷик дар тарбияи насли наврас” (Традиции и современность: роль таджикского фольклора в воспитании подрастающего поколения) баромад кард.
Ӯ осори шифоҳии халқ фолкролро дорои таърихи қадима ва муҳим барои адабиёт баён дошта, гуфт ки он на танҳо ҳамчун афсона, зарбулмасалу мақол, тезгӯяку чистон барои маънавиёти кӯдакон, балки ҳамчун усули тарбия дар рушду инкишофи онҳо хидмат мекунад.
Зимни суханронӣ дар Форум Шаҳноза Дониёрова ёдовар шуд, ки дар Тоҷикистон ба омӯзишу таҳқиқи фолклор таваҷҷуҳи хоса зоҳир мешавад. Ғайр аз он ки он дар мактабҳои олии самти филологии кишвар чун як илми мустақил омӯзонда мешавад, боз дар ниҳодҳои махсуси пажӯҳишӣ мавриди таҳқиқу баррасӣ қарор мегирад. Ва муҳимтарин падидаи чанд соли охир дар озмуни овозадори “Фурӯғи субҳи доноӣ китоб аст”, ки ҳамасола дар кишвари мо бо ташаббус ва таҳти сарпарастии Пешвои миллат муҳтарам Эмомалӣ Раҳмон роҳандозӣ мешавад, як номинатсия ба адабиёти кӯдакон ва фолклор ихтисос дода шудааст.
Бояд гуфт, ки дар номинатсияи адабиёти кӯдакон ва наврасон дар Озмуни ҷумҳуриявии “Фурӯғи субҳи доноӣ китоб аст” аз бар намудани осори шифоҳии халқ фолклор яке аз паҳлуҳои муҳим барои довталабони ин номина маҳсуб меёбад.
Ганҷина Ҷолаева,
мутахассиси бахши матбуот
ва робита бо ҷомеа.