Шабиямоҳи Абдуҳаким: Озмуни “Фурӯғ…” пулест миёни тамоми дӯстдорони китоб ва завқмандони мутолиа
Довталабӣ дар озмуне дар сатҳи “Фурӯғи субҳи доноӣ китоб аст” масъулияти хеле зиёдро талаб мекунад. Омодагии ҷиддӣ, мутолиаи пайваста ва такрор кардани асарҳои хондашуда, ҳамчунин машқ кардан барои тарзи дурусти қироати шеър ва порчаҳои насрӣ, ҳамаи инҳо барои ҳар як иштироккунандаи ин озмун ҳатмӣ ба ҳисоб мераванд- мегӯяд Шабиямоҳи Абдуҳаким шикаткунандаи ин озмуни ҷумҳуриявӣ.
Шабиямоҳи Абдуҳаким хонандаи синфи 8 уми муассисаи таҳсилоти миёнаи умумии №5 и ноҳияи дурдасти Шамсиддин Шоҳини Вилояти Хатлон мебошад. Шабиямоҳ соли 5-ум аст дар озмуни мазкур аз рӯи номинатсияи хондан ва аз бар намудани адабиёти кӯдакона ва осори шифоҳии халқ ширкат мекунад. Ӯ 80 асари бадеӣ, 100 ғазал, 110 рубоӣ, 100 зарбулмасал, 150 афсонаю ҳикоя, 100 тезгӯяк, 57 латифа ва дигар навъҳои шеърӣ аз бар намудааст. Шабиямоҳ мегӯяд, барои иштирок дар озмун ӯро хонаводааш роҳнамоӣ кардаанд. “Вақте соли аввал озмун баргузор гардид, ман барои ширкат накарданам худро сарзаниш мекардам вақте хонаводаам инро диданд, барои иштирокам дар солҳои баъдӣ ҳамеша кӯмакам мекарданд”- бо эҳсос нақл кард Шабиямоҳ.
Барои дастрасии китобҳо ба китобхонаи марказии ноҳияамон мерафтем. Шабиямоҳ мегӯяд хеле шодам, ки устодонам Садриддин Мирзоев ва Насимҷон Аҳтамов пайваста дастгириам мекунанд. То маркази ноҳия қариб 5 км роҳро тай намуда, барои китобҳоро пайдо кардан мерафтем. Дар ёфтани чанде аз китобҳо мушкили кашидем аз ҷумла “Таҳзиб ус –сибён” и устод Айниро натавонистем пайдо кунем.
Шабиямоҳ бисёр хушҳолона аз омаданаш ба Китобхонаи миллӣ суҳбат кард. Ӯ гуфт, чанд вақт боз аъзои Китобхонаи миллам “Таҳзиб-ус-сибён”-ро низ ҳаминҷо мутолиа кардам. Шароиту имконот дар Китобхонаи миллӣ дар сатҳи олӣ аст. Ин ҷо дар тамоми толорҳо хонандагон ба хондани китоб машғуланд рафҳои пур аз китоб ва толорҳои серхонандаро хеле дӯст медорам, бо ҳаяҷон мегӯяд ӯ.
Бо Шабиямоҳ дар толори шуъбаи адабиёти кӯдакон ва наврасон суҳбат кардем. Ӯ баромади иштирокчиёни дигарро тамошо мекард. Аз он шод буд, ки дар баробари иштирок дар озмун ва мутолиа китобҳо ҳамчунин аз тамоми манотиқи кишвар дӯстони зиёд пайдо кардааст. Иброз дошт: “Бисёр шодам , ки “Фурӯғ…” на танҳо як озмун ва рақобати зеҳнист, ҳамчунин пулест миёни тамоми дӯстдорони китоб ва завқмандони мутолиа…”
Ба Шабиямоҳ ва тамоми иштирокчиён барор мехоҳем…
Наргис НАЗАРЗОДА,
бахши матбуот ва
робита бо ҷомеа.