Шиносоӣ бо ҷилди саввуми “Қиссаҳои хуб барои бачаҳои хуб”

Тавре пештар ҳам хабар дода будем, дар ҳамкорӣ бо Иттифоқи нависандагони Тоҷикистон ва Телевизиони кӯдакону наврасон “Баҳористон” дар шуъбаи адабиёти кӯдакон ва наврасони Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон моҳе ду маротиба барномаи “Китоби нав” сабт мешавад.

Дар барномаи навбатӣ ровии барнома – Холид Шарифов бачагонро  бо чанд ҳикоя аз ҷилди сеюми китоби “Қиссаҳои хуб барои бачаҳои хуб”, шинос намуд. Ин китоб фарогири 23 қиссаи пандуахлоқӣ ва ибратомӯз аз “Синдбоднома” ва “Қобуснома” мебошад, ки  соли 2024 ба чоп расидааст.

Ҳикояи аввале, ки Холид Шарифов ба бачагон муаррифӣ намуд, “Накӯкори гуноҳкор” ном дошта, аз сафари пирамарди донишманде бо номи Хоҷаи Бухороӣ ҳикоят мекунад. Хоҷаи донишманд дар роҳи сафар ба хонаи Каъба аз рӯи дастури шартҳои сафар амал мекард ва ба дигарон низ фаҳмонид, ки “бихонед, бипурсед, ёд бигиред ва он вақт амал кунед, то корҳоятон ба шумо ба ҷои сарфарозӣ шармандагӣ ба бор наёваранд.”

Ҳикояи дигар “Тиҷорат ва саховат” ном дошта, аз саховат ва заковати инсони боинсоф нақл мекунад.

Ҳикояи сеюмӣ бошад, “Дониш ва подош” унвон дошта, қиссае аз рӯзгори Бузургмеҳри Ҳаким мекунад…

Оё шумо мехоҳед давоми ин қисса ва боз чандин қиссаи дигари хубро мутолиа кунед? Пас, шумо метавонед китоби “Қиссаҳои хуб барои бачаҳои хуб”-ро дар Китобхонаи миллӣ мутолиа намоед.

Пӯшида нест, ки ташфиқу тарғиби чунин китобҳои шавқовару пандомез завқу табъи китобхониро дар кӯдакону наврасон боло мебардорад.

Махфират Муҳидинова
бахши матбуот ва
робита бо ҷомеа