Ширкати кормандони Китобхонаи миллӣ дар семинар-машварати омӯзишии Иттифоқҳои касаба дар осоишгоҳи “Шоҳамбарӣ”

Рӯзҳои 16-17-уми апрели соли равон дар осоишгоҳи “Шоҳамбарӣ” семинар – машварати омӯзишӣ баргузор гардид, ки дар он ду нафар кормандони Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон, сардори шуъбаи мукаммалгардонии фонд Гулҷаҳон Асоева ва муовини сардори шуъбаи муҳосибот Фирӯза Мақсудова низ ширкат карданд.

Раиси кумитаи ҷумҳуриявии Иттифоқҳои касабаи кормандони фарҳанг, иттилоот, варзиш ва сайёҳии Тоҷикистон З.Б. Ҳоҷиева бо сухани ифтитоҳӣ семинарро ифтитоҳ намуд.

Мудири шуъбаи давлат ва ҳуқуқи  Академияи миллии илмҳои Тоҷикистон, доктори илмҳои ҳуқуқшиносӣ Эмомалӣ Бӯризода дар мавзуи ”Эътибори қонун дар пешрафти  ҷомеа” суханронӣ намуд.

Корманди масъули Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Раҳматулло Гулов дар бораи “Ифротгароӣ ва хатари он дар ҷомеа” сухан гуфт.

Мудири шуъбаи ташкилии Кумитаи ҷумҳуриявии иттифоқи касабаи кормандони фарҳанг, иттилоот, варзиш ва сайёҳии Тоҷикистон Амирхон Шохонов дар бораи нақши ташкилотҳои ибтидоӣ дар фаъолияти ҳаракати Иттифоқҳои касабаи Тоҷикистон изҳори назар намуд.

Ёқубҷон Бобохонов