Шуморе аз хонандагони мактаби таҳсилоти миёнаи 111 пойтахт дар аз Китобхонаи миллӣ дидан карданд
Дар арафаи «Рӯзи кӯдакон» роҳбарияти Муассисаи таҳсилоти миёнаи умумии рақами №111-и ноҳияи Шоҳмансури шаҳри Душанбе, бо мақсади ошноӣ ва аъзо намудани хонандагони муассисаи мазкур бо зумрае аз шогирдонашон ба Китобхонаи миллӣ ташриф оварданд.
Онҳо аз шуъбаи адабиёти кӯдакон ва наврасон дидан намуда, дар маҳфили «Ҳамешабаҳор» бо иштироки бевоситаи шоири маъруф Хайрандеш иштирок карданд. Ин маҳфил барояшон хеле писанд омад ва аксари бачаҳо иброз доштанд, ки аъзои доимии он хоҳанд шуд.
Баъзе аз ин толибилмон завқи баланди шеърнависӣ доштаанд ва дар маҳфил аз устод Хайрандеш дар бораи эҷоди шеър, истифода вожаву калимаҳо, вазну қофия ва ғайра суол карданд, намунаҳо аз эҷоди худро ҳам хонданд.
Яке аз онҳо духтаре бо номи Робия буд, ки шеърҳои худро ба аъзои маҳфил хонд ва тавсияҳои шоири маъруфро ҳам шунид.
Хонандагон баъди маҳфил аз дигар шуъбаҳо ва толорҳои хониши Китобхона низ дидан намуданд ва баъдан дастҷамъӣ аъзои Китобхоани миллӣ шуданд.
Азиза НИЁЗОВА