Тафреҳ. Шеъри хуби барфӣ аз Шоири халқии Тоҷикистон Озар Салим. БАРФ

Аҷаб шеърест шеъри барф рӯи дафтари ҷода,

Ки табъи ҳич кас дар пояаш як байт нозода.

Магар аз шеъри хушки дафтари мо шарм медорад,

Ки худ аз худ кушояд об он истода- истода.

Ба ҳар байти баланду тозааш боғи назокатфаҳм

Барои интихоб аз сарвҳо ангушт бинҳода.

Дар ин фасли зимистон аз Худои хеш мехоҳам

Бухориву нигори меҳрубону шишаи бода.

Ҳамехоҳам равам, то дӯстро бар хонаам орам,

Вале метарсам аз як иттифоқи содаи сода:

Замин чу шиша лағжон асту дорам шишае аз дил,

Мабодо бишканад ин шиша рӯи шиша афтода.