“Таҳзиб-ус-сибён”-и устод Айниро дар сомонаи мо бихонед

“Таҳзиб-ус-сибён”-и устод Айнӣ ҳамчун маҳсули  афкори илмиву педагогӣ, ахлоқиву дидактикӣ ва ҷаҳонфаҳмии ӯ дар роҳи дарки ақидаҳои маорифпарварӣ, философӣ, ҷамъиятӣ ва тарбиявии солҳои 1905-1917 ба шумор меравад.

Ин асар ба мисли китобҳои дарсии тоҷикии Беҳбудӣ, Мунзим, Расулӣ ва дигар маорифпарварон бо огоҳномаю муроҷиатнома -“Ихтор” оғоз ёфта, баъд аз он матнҳои гуногунро барои хониши мактаббачагон дар бар мегирад.

Ин ҷумлаҳо аз сарсухани Узви вобастаи Академияи илмҳои Тоҷикистон, доктор ва профессори фахрии Донишгоҳи миллии Тоҷикистон ва Донишгоҳи давлатии омӯзгории Тоҷикистон ба номи Айнӣ Соҳиб Табаров ба китоби “Таҳзиб-ус-сибён”-и устод Айнӣ иқтибос шуд.

Китоб соли 1994 бо саъю талоши устоди зиндаёд Соҳиб Табаров дар нашриёти “Маориф” чоп шуда буд.

БО ДАРХОСТИ ОМӮЗГОРИ ДОНИШГОҲИ МИЛЛИИ ТОҶИКИСТОН МОҲИРА САФАРЗОДА ШАКЛИ ЭЛЕКТРОНИИ ИН КИТОБРО МЕГУЗОРЕМ, ТО ДАСТРАСИ ҲАМАГОН ГАРДАД.
ШАКЛИ ЭЛЕКТРОНИИ КИТОБ

Моро дар телеграмма пайгирӣ кунед: https://t.me/kmt_tj