Таҷлили ҷашни Наврӯзи байналмилалӣ дар Китобхонаи Миллӣ

Имрӯз, 20 уми март дар Муассисаи давлатии “Китобхонаи миллӣ”-и Дастгоҳи иҷроияи Президенти Тоҷикистон Наврӯзи байналмиллалӣ бо шукуҳу шаҳомати хоса ҷашн гирифта шуд. Дар ин маҳфили бошукӯҳ роҳбарияти Китобхона, Пайшанбезода Муҳиддин-мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, намояндагон аз Ҳизби Халқии Демократии Тоҷикистон ва кормандони китобхона ширкат доштанд.

Нахуст, меҳмонон аз хони наврӯзӣ, ки иборат аз ҳафтшин ва ҳафтсин, хӯрокҳои миллӣ, гӯшаи мероси ниёгон, гӯшаи намоиши китоб, намоиши рӯзномаву маҷаллаҳо иборат буд, дидан намуда, бо дастовардҳои муассиса ва намоиши ҳунарҳои мардумӣ ошнои пайдо карданд.

Дар идома ҳамчун рамзи омод-омади Наврӯз ва айёми киштукор  “Баҳор “ ва “Бобои деҳқон” ба саҳна омада, ба ҳамагон муждаи Наврӯзу баҳорро оварданд.

Сипас, директори Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон, профессор Ҷумахон Файзализода бо сухани ифтитоҳи иштирокчиён ва меҳмононро ба муносибати Наврӯзи фархунда табрику таҳният намуд. Директори Китобхонаи миллӣ қайд кард, ки  Наврӯз – ҷашни қадимаи ниёгони миллати тоҷик буда, аз умқи таърих сарчашма мегирад. Боиси хушнудист, ки бо талошҳои бевоситаи Ҳукумати Ҷумҳурии Тоҷикистон, хосатан Пешвои муаззами миллат муҳтарам Эмомалӣ Раҳмон Наврӯз ҷаҳонӣ гашта ва ҷуғрофияи фарогирии он паҳновар гаштааст.

Баъдан, Муҳиддин Пайшанбезода, мушовири бахши ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа  суханронӣ карда, аз таърии Наврӯзи байналмилалӣ, ҳадафҳои Пешвои миллат баҳри ҷаҳонигардолнии ин ҷашни ниёгон, расму оинҳои қадимаи халқи тоҷик ва дигар анъанаҳои  Наврӯзӣ ёдовар шуд.

Қисми фарҳангии чорабинӣ, ки фарогири шеъру суруд, рақсу бозиҳои қадимӣ аз ҷумла бандкашӣ, дастхобонӣ, ҳамчунин муйсарбофӣ иборат буд, идомабахши  ин маҳфили фарҳангӣ гардид.

Ғолибони озмунҳои болозикр аз ҷониби муассиса бо тӯҳфаҳои хотиравӣ қадрдонӣ шуданд.

Дар фарҷом як қатор кормандони муассиса, баҳри фаъолияти босамар бо Ифтихорномаи роҳбарияти муассиса, ҳамчунин “Сипоснома”-ҳо аз ҷониби Кумитаи ҷавонон ва Ҳизби Халқии Демократии Тоҷикистон дар ноҳияи И.Сомонӣ ҳавасманд гардиданд.

Наргис НАЗАРЗОДА,
бахши матбуот ва робита бо ҷомеа.