Таҷрибаомӯзии мутахассисони ҷавон дар шуъбаҳои Китобхонаи миллӣ

ТаҷрибаомӯзиМутахассисисони ҷавон ҳамеша бояд пайи такмили истеъдоду малакаи хеш бошанд. Илм, аз ҷумла илми китобдориву библиографӣ низ дар ҳоли пешрафти ҳамешагист ва огоҳӣ аз ин пешрафтҳо боиси афзудани донишу малакаи касоне мегардад, ки ба сад умед ин соҳаҳоро интихоб кардаанд.

Яке аз омилҳои муваффақиятнок дар такмили ихтисос ва бозомӯзӣ, раванди худомӯзии ҳамешагӣ. Худомӯзӣ омили ташакули шахсияти мутахассис, такмили ихтисос ва масъулистшиносии ӯ мебошад. Имрӯз Маркази таҳсилот ва иноватсияҳои китобдории Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон шароити бозмӯзиву такмили ихтисосро барои мутахассисони ҷавон, донишомӯзон фароҳам овардааст. Онҳо метавонанд дар ширкат дар давраҳои омӯзишиву такмили ихтисос донишу малакаҳои худро боло баранд.

Мутобиқи низомномаи намунавии муассисаи давлатии таълимии таҳсилоти олии касбии Ҷумҳурии Тоҷикистон, Академияи идоракунии давлатии назди Президенти Ҷумҳурии Тоҷикистон 4 нафар донишҷӯёни курси 3-уми шуъбаи рӯзонаи факултети идораи давлатиро аз 16-уми моҳи июни соли равон то 30-уми моҳи июни соли равонро барои гузаронидани таҷрибаомӯзии истеҳсолӣ ба Маркази таҳсилот ва иноватсияҳои китобдории Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон фиристод.

Марказ барои хубу пурсамар гузаштани таҷрибаомӯзии донишҷӯёни мазкур тамоми шароитҳои омӯзиширо фароҳам овард. Онҳоро вобаста ба ихтисос ва талаботи низомнома ба шуъбаи робитаҳои байналмилалии Китобхонаи миллӣ сафарбар намуд. Дар назар аст, ки ин донишҷӯён дар муддати ду ҳафтаи моҳи ҷорӣ ҳамчунин бо фаъолияти кории шуъбаҳои дигари Китобхонаи миллӣ низ ошно шаванд.

Абдугаюр Саломов
маркази таҳсилот ва
иноватсияҳои китобдорӣ