Тамошои дастаҷамъонаи намоиши мазҳакавии «Падар бояд зан гирад»
Санъати театрӣ дар воқеъ ифодакунандаи таъриху тамаддун ва зиндагиву рӯзгор ба шумор рафта, дар тарбияи ахлоқиву маънавӣ ва фарҳангии инсонҳо саҳми босазо гузошта метавонад. Бо мақсад роҳбарияти Муассисаи давлатии «Китобхонаи миллӣ»–и Дастгоҳи иҷроияи Президенти Ҷумҳурии Тоҷикистон тасмим гирифтааст, ки тамошои дастаҷамъонаи намоишномаҳои театриро бо иштироки кормандон ба роҳ монад.
Шоми дирӯз дар доираи ин ташаббуси роҳбарияти Китобхонаи миллӣ муовинони директори муассиса Сайфиддин Камолзода, Зафар Сайидзода ва як гурӯҳ кормандон дар Театри давлатии академии драммавии ба номи А. Лоҳутӣ намоиши мазҳакавии «Падар бояд зан гирад»-ро тамошо намуданд.
Намоишномаи «Падар бояд зан гирад» аз рӯи асари Холиқ Хурсандов дар таҳияи коргардони театр Баҳром Қурбонзода бо мазмуну муҳтавои олӣ пешкаши бинандагон гардид, ки ба ҳамагон писанд омад.
Абдуғаюр САЛОМОВ,
шуъбаи тарғиб ва барномаҳои фарҳангӣ