Танзиму такмили фонди ёрирасони шуъбаи хизматрасонӣ ба истифодабарандагон (ВИДЕО)

Шуъбаи хизматрасонӣ ба истифодабарандагон тибқи «Оиннома»–и Муассиса ва «Низомнома»–и шуъба дар ду баст фаъолият намуда, дар фаъолияти худ ҳамарўза корҳои бақайдгирии муштариён, қонеънамоии дархости хонандагон, кор бо мутолиакунандагон, танзим, такмил, коркард, ҳифз ва нигоҳдории фонд, инчунин баргузории чорабиниҳои тахассусиро ба анҷом мерасонад.

Шуъбаи мазкур дорои фонди ёрирасон буда, адабиёти он ба забонҳои тоҷикӣ, русӣ вобаста ба соҳаҳои гуногуни илмӣ-оммавӣ ва бадеӣ танзиму такмил, коркарду ҷобаҷогузорӣ ва ҳифзу нигоҳдорӣ карда мешаванд.

Маврид ба зикр аст, ки фонди ёрирасони шуъбаи хизматрасонӣ ба истифодабарандагон пайваста дар гардиш аст. Аз ин рў, кормандони шуъба дар баробари хизматрасонӣ ба хонандагон мунтазам ба танзим, такмил, коркард ва ҷобаҷогузории фонди ёрирасони шуъба машғул ҳастанд. Ҳамзамон ба китобҳои тозаворидшуда аз рўйи феҳристи алифбоӣ ва мураттабӣ барга таҳия намуда, аз рўйи соҳа ва забон онҳоро ҷобаҷогузорӣ мекунанд.

Хонандагону муштариёни толорҳои ин шуъба метавонанд аз фонди ёрирасон китобҳои зеринро дастрас намоянд. Аз ҷумла:

– китобҳо дар мавзуъҳои мухталиф;

– китобҳои дарсӣ;

– адабиёти бадеӣ;

– фарҳангҳо ва луғатномаҳо;

– донишномаҳо ва ғайра.

Гузориши видеоӣ аз рафти танзим, такмил, коркард ва ҷобаҷогузории фонди ёрирасони шуъбаи хизматрасонӣ ба истифодабарандагон.

Бибираъно Ҷўраева – муовини сардори
шуъбаи хизматрасонӣ ба истифодабарандагон