Тасвири гул дар маҳфили “Дастони моҳир”

 Имрўз дар шуъбаи кўдакон ва наврасони Муассисаи давлатии «Китобхонаи миллии Тоҷикистон» маҳфили «Дастони моҳир» дар  мавзўи «Гулҳои зебои диёрам – Тоҷикистон» бо хонандагони фаъоли шуъба  баргузор гардид.

            Сараввал муовини сардори шуъба Фирӯза Аҳророва маҳфилро оғоз намуд ва баъдан корманди шуъба Азиза Алимова ба хонандагон оид ба гулҳои хонагиву худрўй ва рустаниҳои мавсимӣ маълумот дод. Бо хонандагон суҳбат гузаронида шуд ва дар рафти суҳбат хонандагон дар васфи гулҳои зебои Тоҷикистон шеърҳо қироат карданд.

            Муаллима аз истифодаи маводи конселярӣ аз қабили коғази ранга ва ширеш ба хонандагон чи тавр сохтани гули наргисро нишон дод. Сипас, иштирокчиёни маҳфил бо як шавқу ҳаваси хоса ба сохтани гулҳо оғоз намуданд.

Ҷараёни маҳфил тариқи телевизиони «Сафина» барои барномаи «Субҳ» сабт гардид.

Дар охири маҳфил хонандагон маҳсули дастони худро ба намоиш гузоштанд.

Азиза Алимова,

мутахассиси пешбари

шуъбаи кўдакон ва наврасон.