Ту қалби Тоҷикистонӣ – Душанбе. Саёҳати меҳмонон дар Китобхонаи миллӣ

Таҳти ҳамин шиор як гурӯҳ ҷавонони фаъоли ноҳияи Фирдавсии шаҳри Душанбе ба саёҳати Китобхонаи миллӣ омаданд. Дар оғоз шахсони масъул аз таърихи таъсис ва сохтору фаъолияти Китобхона ба онҳо маълумот дода, баъдан мувофиқи нақша аз дигар гушаву толорҳо дидан карданд.

Ошноии меҳмонон мувофиқи нақшаи саёҳати меҳмонон аз мусаввараи Сабзалӣ Шарифзода, ки “Аз давра ба давра аз дида ба дида” унвон гирифтааст оғоз гардид. Сипас, меҳмонон ба толорҳои хониш, шуъбаҳои хидматрасонӣ ба истифодабарандагон, толори электронӣ, толори Фурӯғи субҳи доноӣ  ва дигар гушаҳои Китобхона шинос гардиданд.

Бо чанде аз хонандагон баъд аз саёҳаташон суҳбат доштем. Аксари онҳо, ки донишҷӯёни колеҷу донишкадаҳои гуногуни пойтахт мебошанд, ба толорҳои хониш таваҷҷуҳ намуданд. Аз Литсейи касбии дӯзандагии Донишгоҳи байналмилалии  сайёҳӣ ва соҳибкории Тоҷикистон Нозанин Бозорзода ва Фотима Неъматова  гуфтанд, ки онҳо ба омӯзиши забони чинӣ завқ доранд ва хеле хурсанданд, ки дар Китобхонаи миллӣ курсҳои омӯзиши забонҳои хориҷӣ ташкил гардидааст.

Хадича Қаюмова донишҷӯи дигар аз литсейи мазкур гуфт, ки мехоҳад минбаъд пайваста ба Китобхона биояд. Хадича мегӯяд , бори аввал аст ба Китобхона омадам ва хеле писандам омад.

Бояд гуфт, вобаста ба иҷрои Қарори Раиси шаҳри Душанбе бо мақсади дар сатҳи баланд таҷлил намудани “Рӯзи Пойтахти – Ҷумҳурии Тоҷикистон – шаҳри Душанбе” бо ибтикори Кумитаи иҷроияи Ҳизби Халқии Демократии Тоқикистон дар якҷоягӣ бо Ташкилоти ҷамъиятии ҷавонон “Созандагони Ватан“, сайёҳат аз мавзеъҳои таърихии пойтахти азизамон шаҳри Душанбе баргузор карда шуд, ки зимни ин сафар ҷавонони зодаи соҳибистиқлоли кишвар аз Осорхонаи миллии Ҷумҳурии Тоқикистон, Китобхонаи миллии Тоҷикистон, майдони 30 солагии Истиқлоли давлатии Ҷумҳурии Тоҷикистон ва Боғҳои фарҳангию фароғатии шаҳри Душанбе дидан намуданд.

Ташкили чунин саёҳату аксияҳо ба бедор намудани ҳисси ватандӯстии ҷавонон ва завқи онҳо ба китобхонӣ таъсири амиқ гузошта метавонад.

Наргис НАЗАРЗОДА