ВИДЕО. Толори тибб ва табиатшиносии Китобхонаи миллӣ рӯзи якшанбеи гузашта

Якшанбеи гузашта (27-уми апрел) толори тиб ва табиатшиносии Муассисаи давлатии “Китобхонаи миллӣ”-и Дастгоҳи иҷроияи Президенти Ҷумҳурии Тоҷикистон пур аз хонанда буд. Ба ҳадде ки баъзе соатҳо ҷойи нишаст ёфт намешуд. Аммо ин ҳолати танҳо як рӯз нест. Ҳамарӯза хоҳишмандони зиёд ба Китобхонаи миллӣ меоянд ва китоб дархост мекунанд, аз хидматрасониҳои хуби муассиса истифода мекунанд.

Аз сӯе наздик омадани мавсими имтиҳону санҷишҳо дар макотиби оливу миёна, аз сӯи дигар омодагии довталабони ширкат дар озмунҳои гуногуни китоб ин толорҳои хонишро серхонанда кардааст.

Китобхонаи миллӣ имрӯз дар пойтахти кишвар ягона ҷойест, ки кулли шароит барои мутолеа омода аст: Толорҳои муҷаҳҳаз, хидматрасониҳои табъи дил, мавҷудияти кофии китобҳои дархостшаванда ва ғайра беш аз пеш таваҷҷуҳи дӯстдорони китобро ба худ мекашад.

Ҳафтаи сипаришуда (аз 21-ум то 27-уми апрели соли 2025)  4034 нафар вориди толорҳои хониши Китобхонаи миллӣ шудаанд, ки дар қиёс ба як ҳафтаи пеш 1824 нафар зиёд аст.

Дар ин рӯзҳои хонандагон 5597 нусха китоб дархост кардаанд, ки 1920 нусха бештар аз ҳафтаи қабл аст.

ВИДЕО: ТОЛОРИ ТИББ ВА ТАБИАТШИНОСИИ КИТОБХОНАИ МИЛЛӢ РӮЗИ ЯКШАНБЕИ ГУЗАШТА 

Бибираъно Ҷӯраева,
муовини сардори шуъбаи хизматрасонӣ
ба истифодабарандагон.