Дар  шашмоҳаи аввали соли 2025 ба  фонди  “Китобхонаи  миллӣ” 41 ҳазору 849 нусха  адабиёт ворид  гардид

Дар  шашмоҳаи аввали соли 2025 ба  фонди  “Китобхонаи  миллӣ” 41 ҳазору 849 нусха  адабиёт ворид  гардид. Аз он ҷумла: китобҳо 38 ҳазору 671 нусха, маҷаллаҳо 1 ҳазору 409, диссертатсияҳо 250, авторефератҳо 250, нашрияҳои давомноки илмӣ 26 нусха ба қайд гирифта шуда, ба шуъбаҳои дахлдор равона карда шуданд. Инчунин 10 адад нотаҳо, 3 нусха дискҳо, 1 ҳазору 222 нусха авторефератҳои хориҷӣ, 8 нусха изографикаҳо, 2034 нусха нусхаҳои ҳатмӣ, 2 ҳазору 195 нусха сарчашмаҳои гуногун, сабт шуд.

Адабиёти  туҳфашуда аз шахсони  алоҳида 35 ҳазору 375 нусхаро ташкил дод, ки ба ҳар яки он баргаҳо аз рўи сол, алифбо ва ҷои нашр навишта, дар феҳристи  шуъба ҷо ба ҷо карда шуда, ба бахшҳои дахлдор равон карда шуд. Аз сафоратхонаҳо ва ташкилотҳои хориҷӣ 489 нусха китоб ворид шуд. Ҳамчунин 373 нусха маҷаллаҳои обунавии ватанӣ ва 89 нусха маҷаллаҳои хориҷӣ ва 947 адад  маҷаллаҳои  ҳатмӣ  ба қайд гирифта шуд.

Ба 40 ҳазору 440 нусха адабиёти коркардшуда рамзбандии вижавӣ (часпонидани штрих-код) сурат гирифт.

Тибқи мактубу дархостҳои вазорату муассиса ва мақомоти қудратӣ дар соли  ҷорӣ ба миқдори муайяни 23 ҳазору 400 нусха китоб аз ҳисоби китобҳои бисёрнусхаии аз аҳолӣ тақдимшуда, тариқи ройгон ба шаҳру ноҳияҳои кишвар фиристода шуд.

Дар тули  шаш моҳи соли 2025 аз ҳисоби китобҳои аз аҳолӣ ҷамъоваришуда 26 ҳазору 103 нусха китоб коркард шуда, ба фонди асосӣ ва фондҳои ёридиҳандаи Китобхона супорида шуданд.

Ҳамчунин дар  ин давра кормандони шуъба 44 китоби тозаворид, 1 маълумот дар бораи китобҳои туҳфашуда  ва 1 мақола дар бораи фаъолияти шуъбаро омода намуда ба воситаи сомонаи интернетии Китобхона муаррифӣ намуданд.

То  1-уми июли соли 2025 фонди хизматии Китобхонаи миллӣ дорои 3 миллиону 556 ҳазору 905 нусха китоб ва дигар маводи чопӣ мебошад.

Фарзона Шарифова,
мутахассиси шуъбаи
мукаммалгардонии фонд.