Дастурхони пурнеъмати як саховатпеша барои шахсони имконияташон маҳдуд дар Ошхонаи Китобхонаи миллӣ

Фирдавс Саидаҳтамов, як шахси хайрхоҳу дилсўзи шахсони дорои нуқсҳои ҷисмонӣ шоми дирўз ба наздики 100 нафар ин қишри ҷомеа, ки аъзои шуъбаи хизматрасонӣ ба шахсони имконияташон маҳдуди Китобхонаи миллианд, ифтор дод.

Ў ин иқдоми неку башардўстонашро ба шарти зикр нагардидани шахсияташ анҷом дод, ки шоистаи таҳсину офарин аст. Муовини директори Китобхонаи миллӣ Ҷалолуддин Нурзода дар як суханронии кутоҳ аз ин иқдом сутуд ва гуфт, ки шахсони дорои имкониятҳои маҳдуд аъзоёни комилҳуқуқи ҷомеаи мо мебошанд ва суханони Пешвои миллат, муҳтарам Эмомалӣ Раҳмон нисбати онҳо иқтибос овард.

Дастархони пурнозу неъмати рамазонӣ аъзои шуъбаи мазкурро сарҷамъ ва болидарӯҳ гардонд ва баҳонае барои дидору хушҳолияшон гашт. Онҳо даври ҳам нишаста аз зиёфат ва анвои хўрок тановул карда, изҳори сипосу миннатдорӣ намуданд.

Фирдавс Саидаҳтамов шахси саховатпешаву хайркунанда ва дилсўзи ин тоифаи ҷомеа бо андешаи он, ки хайри кардаро бояд пинхон пинҳон дошт, нахост аз худаш бештар бигўяд.

Шоистаи ёдоварист, ки ў рўзе пеш дар як маҳфил, ки бо ширкати рӯзноманигор ва сарояндаи маъруф Зиёвуддини Нурзод доир шуда буд, ба хонандагони шуъбаи хизматрасонӣ ба маъюбон анвои ғизо, ба мисли биринҷ, мош, нахуд, марҷумак , макарон, чойи хушк, шакар, собун ва шириниҳо туҳфа намуд намуд.

Лаҳзае, ки ин хабар таҳия мешуд, дар шабакаҳои иҷтимоӣ хабари ҷолиби дигаре аз амали шахсони саховатпеша чоп шуд. Ин хабар аз Ҳиндустон буд. Дар он ом ада: Ҳунарпешаи маъруфи Ҳиндустон Амир Хон хайри ғайриодӣ кард. Эълон дод, ки ҳар кас метавонад омада, аз хонаи ӯ 1 килограмм орд ройгон гирад. Бисёриҳо барои гирифтани «хайри ночиз» наомаданд. Аммо ҳар касе, ки онро гирифт, дар халтаи орд 15 ҳазор рупияи ҳиндӣ дарёфт.

Оре, дар моҳи шарифи Рамазон инсонҳои дасткушоду саховатпеша бо ҳар роҳ аз сарвати худ ба атрофиён хайр мекунанд ва бо ин васила аз савоби беҳадди ин моҳи муборак баҳра мегиранд.

Раҳима АЗАМ,
бахши матбуот
ва робита бо ҷомеа.